Volcano just erupted in Iceland
„Það stígur upp hár hvítur gufubólstur yfir Vatnajökli,“ segir Örlygur Sigurjónsson leiðsögumaður sem staddur er vestan við Lómagnúp. Hann sagðist hafa séð bólsturinn myndast rúmlega fimmtán mínútur yfir sjö í kvöld.
Örlygur sagði greinilegt að gosið hefði verið mjög öflugt strax í upphafi. „Þetta er mjög tignarlegt að sjá í kvöldsólinni,“ sagði Örlygur, en léttskýjað er við jökulinn og útsýni gott. Hann segir að bólsturinn sé í stefnunni á Grímsvötn. Örlygur sagði að mökkurinn tæki miklum breytingum og hækkaði gríðarlega hratt. „Það er greinileg aska í mekkinum. Hann er dökkgrár að hluta. Mökkurinn stígur rosalega hátt til himins. Ég gæti trúað að hann sé kominn upp í þriggja kílómetra hæð nú þegar,“ segir Örlygur sem var að koma af Hvannadalshnjúk í dag ásamt 10 manna hóp þegar hann sá að eldgos var hafið í jöklinum.
AFP: Fears of more flight chaos as Iceland sees new eruption
ABC News: Iceland's Volcano Erupts: Grímsvötn Forces Airport Shutdown